ಕನಿಷ್ಠ ಮೊತ್ತವನ್ನು (ಮಿನಿಮಮ್ ಬ್ಯಾಲೆನ್ಸ್) ಖಾತೆಯಲ್ಲಿ ನಿರ್ವಹಿಸದ ಗ್ರಾಹಕರಿಗೆ
ಯಾವುದೇ ಶುಲ್ಕ ವಿಧಿಸುತ್ತಿಲ್ಲ ಮತ್ತು ಎಸ್ಸೆಮ್ಮೆಸ್ ಶುಲ್ಕವನ್ನು ಸಹ ಮನ್ನಾ
ಮಾಡಲಾಗಿದೆ ಎಂದು ಭಾರತದ ಅತಿ ದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್
ಬಿಐ) ತಿಳಿಸಿದೆ. "ಎಸ್ ಬಿಐ ಉಳಿತಾಯ ಖಾತೆದಾರರಿಗೆ ಶುಭ ಸುದ್ದಿ! ಈಗ ಎಸ್ಸೆಮ್ಮೆಸ್
ಸೇವೆಗೆ ಮತ್ತು ತಿಂಗಳ ಸರಾಸರಿ ಮೊತ್ತ ನಿರ್ವಹಿಸದ ಕಾರಣಕ್ಕೆ ಯಾವ ಶುಲ್ಕ
ಭರಿಸಬೇಕಿಲ್ಲ" ಎಂದು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ತಿಳಿಸಿದೆ.ಎಸ್ ಬಿಐಗೆ 44 ಕೋಟಿಗೂ ಹೆಚ್ಚು ಮಂದಿ ಖಾತೆದಾರರಿದ್ದಾರೆ. ಈ ವ್ಯವಸ್ಥೆಯು ಇಂಟರ್ನೆಟ್ ಬ್ಯಾಂಕಿಂಗ್ ಮತ್ತು ಚೆಕ್ ಬುಕ್ ಪಡೆದಿರುವ ಎಸ್ ಬಿಐನ ಎಲ್ಲ ಖಾತೆದಾರರಿಗೆ ಇದೆಯೇ? ಎಂಬ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದ್ದು, ಈ ಶುಲ್ಕ ಮನ್ನಾ ಎಲ್ಲ ಖಾತೆಗಳಿಗೂ ಅನ್ವಯ ಆಗಲಿದೆ ಎಂದು ತಿಳಿಸಲಾಗಿದೆ. ಈ ವರ್ಷದ ಮಾರ್ಚ್ ನಲ್ಲಿ ಎಸ್ ಬಿಐ ಘೋಷಣೆ ಮಾಡಿ, ಸರಾಸರಿ ತಿಂಗಳ ಮೊತ್ತ (ಆವರೇಜ್ ಮಂತ್ಲಿ ಬ್ಯಾಲೆನ್ಸ್ ಅಥವಾ ಎಎಂಬಿ) ನಿರ್ವಹಿಸದವರಿಗೆ ಶುಲ್ಕ ಮನ್ನಾ ಮಾಡುವುದಾಗಿ ತಿಳಿಸಿತ್ತು. ಈ ಹಿಂದೆ ಎಸ್ ಬಿಐನಲ್ಲಿ ಮೆಟ್ರೋ ನಗರಗಳಲ್ಲಿ 3 ಸಾವಿರ, ಅರೆ ಪಟ್ಟಣ ಪ್ರದೇಶಗಳಲ್ಲಿ 2 ಸಾವಿರ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ 1 ಸಾವಿರ ರುಪಾಯಿ ಕನಿಷ್ಠ ಮೊತ್ತವನ್ನು ಎಎಂಬಿ ಆಗಿ ನಿರ್ವಹಿಸಬೇಕಿತ್ತು.
ಯಾರು ಈ ಮೊತ್ತವನ್ನು ನಿರ್ವಹಿಸುವುದಿಲ್ಲವೋ ಅಂಥವರಿಗೆ 5ರಿಂದ 15 ರುಪಾಯಿ, ಜತೆಗೆ ತೆರಿಗೆಯನ್ನು ಶುಲ್ಕವಾಗಿ ವಿಧಿಸಲಾಗುತ್ತಿತ್ತು. ಸದ್ಯಕ್ಕೆ ಎಸ್ ಬಿಐನಿಂದ ಉಳಿತಾಯ ಖಾತೆದಾರರಿಗೆ ವಾರ್ಷಿಕ ಬಡ್ಡಿ ದರ 2.7% ನೀಡಲಾಗುತ್ತಿದೆ.
(ಮಾಹಿತಿ ಕೃಪೆGood Returns)
No comments:
Post a Comment
ಕಾಮೆಂಟ್ ಮಾಡಲು ಕೆಳಗೆ ಕ್ಲಿಕ್ ಮಾಡಿ