ಮಕ್ಕಳ ದಿನಾಚರಣೆಯನ್ನು ಜಾರಿಗೆ ತಂದವರು ಯಾರು? ಇಲ್ಲಿದೆ ಸಂಪೂರ್ಣ ಮಾಹಿತಿ

 ಮಕ್ಕಳ ದಿನಾಚರಣೆಯನ್ನು ಭಾರತದಲ್ಲಿ ಜಾರಿಗೆ ತಂದವರು ಪಂಡಿತ್ ಜವಾಹರಲಾಲ್ ನೆಹರು.

• ಜನ್ಮದಿನ: ನವೆಂಬರ್ 14, 1889

• ಮಕ್ಕಳ ದಿನಾಚರಣೆ: ನವೆಂಬರ್ 14

• ಕಾರಣ: ಮಕ್ಕಳ ಮೇಲಿನ ಅಪಾರ ಪ್ರೀತಿಯಿಂದ ನೆಹರು ಅವರನ್ನು ಮಕ್ಕಳು ಪ್ರೀತಿಯಿಂದ ಚಾಚಾ ನೆಹರು ಎಂದು ಕರೆಯುತ್ತಿದ್ದರು.

• ಆಚರಣೆ ಆರಂಭ: 1964ರಲ್ಲಿ ನೆಹರು ಅವರ ನಿಧನದ ನಂತರ ಅವರ ಜನ್ಮದಿನವಾದ ನವೆಂಬರ್ 14ರಂದು ಮಕ್ಕಳ ದಿನಾಚರಣೆಯಾಗಿ ಆಚರಿಸಲು ನಿರ್ಧರಿಸಲಾಯಿತು.

ಮಕ್ಕಳೇ ದೇಶದ ಭವಿಷ್ಯ ಎಂಬುದು ನೆಹರು ಅವರ ನಂಬಿಕೆಯಾಗಿತ್ತು. 🇮🇳💐

ಲಿಕ್ವಿಡ್ ಫಂಡ್‌ಗಳು (Liquid Funds) ಎಂದರೇನು?

 

ಲಿಕ್ವಿಡ್ ಫಂಡ್‌ಗಳು ಎಂದರೆ ಕಡಿಮೆ ಅವಧಿಗೆ ಹಣವನ್ನು ಹೂಡಿಕೆ ಮಾಡಿ, ಸಾಮಾನ್ಯವಾಗಿ ಉಳಿತಾಯ ಖಾತೆಗಿಂತ ಉತ್ತಮ ಆದಾಯ ಪಡೆಯುವ ಉದ್ದೇಶ ಹೊಂದಿರುವ ಒಂದು ರೀತಿಯ ಮ್ಯೂಚುವಲ್ ಫಂಡ್‌ಗಳು.

ಇವು ಮುಖ್ಯವಾಗಿ ಅಲ್ಪಾವಧಿಯ ಹಣಕಾಸು ಸಾಧನಗಳಲ್ಲಿ ಹೂಡಿಕೆ ಮಾಡುತ್ತವೆ. ಉದಾಹರಣೆಗೆ, ಟ್ರೆಷರಿ ಬಿಲ್‌ಗಳು, ಸರ್ಕಾರಿ ಸೆಕ್ಯುರಿಟಿಗಳು, ಸರ್ಟಿಫಿಕೇಟ್ ಆಫ್ ಡೆಪಾಸಿಟ್ ಮತ್ತು ಉತ್ತಮ ಗುಣಮಟ್ಟದ ಕಮರ್ಷಿಯಲ್ ಪೇಪರ್‌ಗಳು.

1. ಲಿಕ್ವಿಡ್ ಫಂಡ್ ಹೇಗೆ ಕೆಲಸ ಮಾಡುತ್ತದೆ?

ಉದಾಹರಣೆಗೆ, ನಿಮ್ಮ ಬಳಿ ₹50,000 ಇದೆ ಎಂದುಕೊಳ್ಳಿ.

• ಈ ಹಣವನ್ನು ಬ್ಯಾಂಕ್ ಉಳಿತಾಯ ಖಾತೆಯಲ್ಲಿ ಇಡಬಹುದು.

• ಅಥವಾ ಲಿಕ್ವಿಡ್ ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡಬಹುದು.

• ಫಂಡ್ ಮ್ಯಾನೇಜರ್ ನಿಮ್ಮ ಹಣವನ್ನು ಅಲ್ಪಾವಧಿಯ ಸಾಲಪತ್ರಗಳಲ್ಲಿ ಹೂಡಿಕೆ ಮಾಡುತ್ತಾರೆ.

• ಅದರಿಂದ ಬರುವ ಆದಾಯದ ಆಧಾರದ ಮೇಲೆ ನಿಮ್ಮ ಫಂಡ್‌ನ NAV ಬದಲಾಗುತ್ತದೆ.

ಲಿಕ್ವಿಡ್ ಫಂಡ್‌ಗಳಲ್ಲಿ ಸಾಮಾನ್ಯವಾಗಿ 91 ದಿನಗಳವರೆಗಿನ ಮೆಚ್ಯೂರಿಟಿ ಹೊಂದಿರುವ ಸಾಧನಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ.

2. ಲಿಕ್ವಿಡ್ ಫಂಡ್‌ಗಳ ಪ್ರಮುಖ ಪ್ರಯೋಜನಗಳು

1. ಹಣದ ಲಭ್ಯತೆ: ಸಾಮಾನ್ಯವಾಗಿ ಬೇಕಾದಾಗ ಹಣ ಹಿಂಪಡೆಯಬಹುದು.

2. ಅಲ್ಪಾವಧಿ ಹೂಡಿಕೆ: ಕೆಲವು ದಿನಗಳಿಂದ ಕೆಲವು ತಿಂಗಳುಗಳವರೆಗೆ ಹಣ ಇಡಬಹುದು.

3. ಕಡಿಮೆ ಬಡ್ಡಿದರದ ಅಪಾಯ: ದೀರ್ಘಾವಧಿಯ ಸಾಲ ಫಂಡ್‌ಗಳಿಗೆ ಹೋಲಿಸಿದರೆ ಬಡ್ಡಿದರದ ಏರಿಳಿತದ ಪರಿಣಾಮ ಸಾಮಾನ್ಯವಾಗಿ ಕಡಿಮೆ.

4. SIP ಸೌಲಭ್ಯ: ಕೆಲವು ಫಂಡ್‌ಗಳಲ್ಲಿ SIP ಮೂಲಕವೂ ಹೂಡಿಕೆ ಮಾಡಬಹುದು.

5. ತುರ್ತು ನಿಧಿ: ತುರ್ತು ಸಂದರ್ಭಗಳಿಗೆ ಮೀಸಲಿಟ್ಟ ಹಣದ ಒಂದು ಭಾಗವನ್ನು ಇರಿಸಲು ಬಳಸಬಹುದು.

3. ಲಿಕ್ವಿಡ್ ಫಂಡ್‌ಗಳಲ್ಲಿ ಎಷ್ಟು ಆದಾಯ ಸಿಗಬಹುದು?

ಉದಾಹರಣೆಗೆ, ವಾರ್ಷಿಕ 6% ಆದಾಯ ಸಿಗುತ್ತದೆ ಎಂದು ಊಹಿಸಿದರೆ:

ಹೂಡಿಕೆ	ಒಂದು ವರ್ಷದ ಅಂದಾಜು ಆದಾಯ
₹10,000	₹600
₹25,000	₹1,500
₹50,000	₹3,000
₹1,00,000	₹6,000

ಇದು ಕೇವಲ ಉದಾಹರಣೆ. ನಿಜವಾದ ಆದಾಯ ಖಚಿತವಲ್ಲ. ಮಾರುಕಟ್ಟೆ ಪರಿಸ್ಥಿತಿಗೆ ಅನುಗುಣವಾಗಿ ಬದಲಾಗುತ್ತದೆ.

4. ಲಿಕ್ವಿಡ್ ಫಂಡ್‌ಗಳಲ್ಲಿ ಅಪಾಯ ಇದೆಯೇ?

ಹೌದು. ಗಮನಿಸಬೇಕಾದ ಅಂಶಗಳು:

• ಆದಾಯಕ್ಕೆ ಯಾವುದೇ ಗ್ಯಾರಂಟಿ ಇಲ್ಲ.

• ಹೂಡಿಕೆ ಮಾಡಿದ ಮೂಲ ಹಣವೂ ಸಂಪೂರ್ಣ ಸುರಕ್ಷಿತ ಎಂದು ಖಾತರಿ ಇಲ್ಲ.

• ಸಾಲಪತ್ರ ನೀಡಿದ ಸಂಸ್ಥೆಯ ಕ್ರೆಡಿಟ್ ಅಪಾಯ ಇರುತ್ತದೆ.

• ತೆರಿಗೆ ಅನ್ವಯವಾಗುತ್ತದೆ.

• ಹಣ ಹಿಂಪಡೆಯಲು ಸಾಮಾನ್ಯವಾಗಿ T+1 ಕೆಲಸದ ದಿನ ಬೇಕಾಗಬಹುದು. ಕೆಲವು ಫಂಡ್‌ಗಳಲ್ಲಿ ಷರತ್ತುಗಳಿಗೆ ಒಳಪಟ್ಟು ತ್ವರಿತ ಹಿಂಪಡೆಯುವಿಕೆ ಇರುತ್ತದೆ.

5. ಭಾರತದಲ್ಲಿ ಲಿಕ್ವಿಡ್ ಫಂಡ್‌ಗಳ ಉದಾಹರಣೆಗಳು

ಈ ಕೆಳಗಿನ ಫಂಡ್‌ಗಳನ್ನು ಅಧ್ಯಯನ ಮಾಡಬಹುದು.

• HDFC Liquid Fund

• SBI Liquid Fund

• ICICI Prudential Liquid Fund

• Axis Liquid Fund

• Kotak Liquid Fund

ಯಾವುದೇ ಫಂಡ್ ಆಯ್ಕೆ ಮಾಡುವ ಮೊದಲು ಅದರ ವೆಚ್ಚ, ಪೋರ್ಟ್‌ಫೋಲಿಯೊ ಗುಣಮಟ್ಟ, ಅಪಾಯ ಮತ್ತು ಹಿಂದಿನ ಕಾರ್ಯಕ್ಷಮತೆಯನ್ನು ಪರಿಶೀಲಿಸಿ.

6. ಲಿಕ್ವಿಡ್ ಫಂಡ್ ಮತ್ತು ಬ್ಯಾಂಕ್ ಉಳಿತಾಯ ಖಾತೆ ವ್ಯತ್ಯಾಸ

ವಿಷಯ	ಲಿಕ್ವಿಡ್ ಫಂಡ್	ಉಳಿತಾಯ ಖಾತೆ
ಆದಾಯ	ಖಚಿತವಲ್ಲ	ಬ್ಯಾಂಕ್ ಬಡ್ಡಿ
ಅಪಾಯ	ಕಡಿಮೆ, ಆದರೆ ಇದೆ	DICGC ಮಿತಿಯೊಳಗೆ ಠೇವಣಿ ವಿಮೆ
ಹಣ ಹಿಂಪಡೆಯುವುದು	ಸಾಮಾನ್ಯವಾಗಿ T+1	ಸಾಮಾನ್ಯವಾಗಿ ತಕ್ಷಣ
ಹೂಡಿಕೆ	ಮ್ಯೂಚುವಲ್ ಫಂಡ್	ಬ್ಯಾಂಕ್ ಠೇವಣಿ
ತೆರಿಗೆ	ಅನ್ವಯಿಸುವ ತೆರಿಗೆ ನಿಯಮಗಳಂತೆ	ಅನ್ವಯಿಸುವ ತೆರಿಗೆ ನಿಯಮಗಳಂತೆ

7. ನನ್ನ ಸಲಹೆ

ನೀವು ಸ್ಟಾಕ್ ಮಾರ್ಕೆಟ್ ಕಲಿಯಲು ಆರಂಭಿಸಿರುವುದರಿಂದ, ಮೊದಲು ಈ ಮೂರು ವಿಷಯಗಳನ್ನು ಅರ್ಥಮಾಡಿಕೊಳ್ಳಿ:

1. ಲಿಕ್ವಿಡ್ ಫಂಡ್‌ಗಳು

2. ಇಂಡೆಕ್ಸ್ ಫಂಡ್‌ಗಳು

3. ಈಕ್ವಿಟಿ ಮ್ಯೂಚುವಲ್ ಫಂಡ್‌ಗಳು

ಈ ಮೂರರ ನಡುವಿನ ವ್ಯತ್ಯಾಸ ತಿಳಿದರೆ ಹೂಡಿಕೆ ನಿರ್ಧಾರ ತೆಗೆದುಕೊಳ್ಳಲು ಸಹಾಯವಾಗುತ್ತದೆ.

ಸ್ಟಾಕ್ ಮಾರ್ಕೆಟಿಂಗ್ ಎಂದರೇನು?

ಸ್ಟಾಕ್ ಮಾರ್ಕೆಟಿಂಗ್ (Stock Market) ಎಂದರೆ ಷೇರು ಮಾರುಕಟ್ಟೆ.

ಸರಳವಾಗಿ ಹೇಳುವುದಾದರೆ, ದೊಡ್ಡ ಕಂಪನಿಗಳಲ್ಲಿ ಸ್ವಲ್ಪ ಪ್ರಮಾಣದ ಮಾಲೀಕತ್ವವನ್ನು ಖರೀದಿಸಿ, ಆ ಕಂಪನಿಯ ಬೆಳವಣಿಗೆಯಿಂದ ಲಾಭ ಪಡೆಯುವ ಹೂಡಿಕೆ ವ್ಯವಸ್ಥೆಯೇ ಸ್ಟಾಕ್ ಮಾರ್ಕೆಟ್.

1. ಸ್ಟಾಕ್ ಮಾರ್ಕೆಟ್ ಹೇಗೆ ಕೆಲಸ ಮಾಡುತ್ತದೆ?

ಉದಾಹರಣೆಗೆ:

• ನೀವು ₹1,000 ಹೂಡಿಕೆ ಮಾಡುತ್ತೀರಿ.

• ಒಂದು ಕಂಪನಿಯ ಷೇರಿನ ಬೆಲೆ ₹100 ಇದೆ.

• ನೀವು 10 ಷೇರುಗಳನ್ನು ಖರೀದಿಸುತ್ತೀರಿ.

• ಕೆಲವು ದಿನಗಳ ನಂತರ ಷೇರಿನ ಬೆಲೆ ₹120 ಆಗುತ್ತದೆ.

• ನಿಮ್ಮ 10 ಷೇರುಗಳ ಮೌಲ್ಯ ₹1,200 ಆಗುತ್ತದೆ.

₹200 ಲಾಭ

ಅದೇ ರೀತಿ ಷೇರಿನ ಬೆಲೆ ಕಡಿಮೆಯಾದರೆ ನಿಮಗೆ ನಷ್ಟವೂ ಆಗಬಹುದು.

2. ಭಾರತದಲ್ಲಿ ಸ್ಟಾಕ್ ಮಾರ್ಕೆಟ್ ಎಲ್ಲಿ ಮಾಡಬಹುದು?

ಭಾರತದ ಪ್ರಮುಖ ಎರಡು ಷೇರು ಮಾರುಕಟ್ಟೆಗಳು:

National Stock Exchange of India (NSE) IPO Price, List Date, Subscription Details | Dhan

NSE – National Stock Exchange

ಭಾರತದ ಪ್ರಮುಖ ಷೇರು ವಿನಿಮಯ ಕೇಂದ್ರ.

bse 149th foundation day: BSE unveils new logo on the occasion of 149th foundation day - The Economic Times

BSE – Bombay Stock Exchange

ಭಾರತದ ಹಳೆಯ ಷೇರು ವಿನಿಮಯ ಕೇಂದ್ರ.

3. ಷೇರು ಮಾರುಕಟ್ಟೆಯಲ್ಲಿ ಹಣ ಗಳಿಸುವ ವಿಧಾನಗಳು

1. Long Term Investment: ದೀರ್ಘಕಾಲ ಷೇರುಗಳನ್ನು ಖರೀದಿಸಿ ಇಟ್ಟುಕೊಳ್ಳುವುದು.

2. Intraday Trading: ಒಂದೇ ದಿನ ಷೇರು ಖರೀದಿ ಮತ್ತು ಮಾರಾಟ ಮಾಡುವುದು.

3. Swing Trading: ಕೆಲವು ದಿನಗಳು ಅಥವಾ ವಾರಗಳ ಕಾಲ ಷೇರುಗಳನ್ನು ಇಟ್ಟುಕೊಂಡು ಮಾರಾಟ ಮಾಡುವುದು.

4. Mutual Funds: ಅನೇಕ ಕಂಪನಿಗಳಲ್ಲಿ ವೃತ್ತಿಪರ ನಿರ್ವಹಣೆಯ ಮೂಲಕ ಹಣ ಹೂಡಿಕೆ ಮಾಡುವುದು.

4. ಸ್ಟಾಕ್ ಮಾರ್ಕೆಟ್ ಕಲಿಯಲು ಯಾವ ಆ್ಯಪ್‌ಗಳು ಇವೆ?

• Zerodha

• Groww

• Upstox

• Angel One

5. ಹೊಸಬರು ಗಮನಿಸಬೇಕಾದ ವಿಷಯಗಳು

• ಮೊದಲು ಸ್ಟಾಕ್ ಮಾರ್ಕೆಟ್ ಕಲಿಯಿರಿ.

• ಸಾಲ ಮಾಡಿ ಹೂಡಿಕೆ ಮಾಡಬೇಡಿ.

• ಆರಂಭದಲ್ಲಿ ದೊಡ್ಡ ಮೊತ್ತ ಹೂಡಿಕೆ ಮಾಡಬೇಡಿ.

• ಲಾಭದ ಜೊತೆಗೆ ನಷ್ಟದ ಅಪಾಯವೂ ಇದೆ.

• ಮೊದಲು Virtual Trading ಮೂಲಕ ಅಭ್ಯಾಸ ಮಾಡಿ.

ಕರ್ನಾಟಕದ ಉಚಿತ ಗ್ಯಾರಂಟಿ ಒಂದು ಕಡೆ, ಬೆಲೆ ಏರಿಕೆ ಮತ್ತೊಂದು ಕಡೆ; ಹೈಕೋರ್ಟ್ ಅಸಮಾಧಾನ

 

ಸರ್ಕಾರ ಒಂದು ಕಡೆ ಉಚಿತ ಗ್ಯಾರಂಟಿ ಯೋಜನೆಗಳನ್ನುö ಘೋಷಿಸುತ್ತಿದ್ದರೆ, ಮತ್ತೊಂದೆಡೆ ದಿನಬಳಕೆಯ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಾಗುತ್ತಿದೆ.

ಇದರಿಂದ ಸಾಮಾನ್ಯ ಜನರು ಜೀವನ ನಡೆಸುವುದೇ ಕಷ್ಟಕವಾಗಿದೆ ಎಂದು ಕರ್ನಾಟಕ ಹೈಕೋರ್ಟ್ ಅಸಮಾಧಾನ ವ್ಯಕ್ತಪಡಿಸಿದೆ. ಉಚಿತ ಯೋಜನೆಗಳ ನಡುವೆಯೇ ಬೆಲೆ ಏರಿಕೆಯ ಹೊರೆ ಜನರ ಮೇಲೆ ಬೀಳುತ್ತಿರುವುದಕ್ಕೆ ನ್ಯಾಯಪೀಠ ಕಳವಳ ವ್ಯಕ್ತಪಡಿಸಿದೆ.

ಅರ್ಜಿಯೊಂದರ ವಿಚಾರಣೆ ವೇಳೆ ಅಗತ್ಯ ವಸ್ತುಗಳ ಬೆಲೆ ಏರಿಕೆ ಕುರಿತು ನ್ಯಾಯಮೂರ್ತಿ ಶ್ರೀಶಾನಂದ ಅವರಿದ್ದ ನ್ಯಾಯಪೀಠ ಅಸಮಾಧಾನ ಹೊರಹಾಕಿದೆ.

ಸರ್ಕಾರದ ಎಲ್ಲ ಯೋಜನೆಗಳೂ ಇದೇ ರೀತಿಯಲ್ಲಿವೆಯೇ ಎಂದು ಪ್ರಶ್ನಿಸಿದೆ.

ಚಿಕ್ಕೋಡಿ ಲೋಕಸಭಾ ಕ್ಷೇತ್ರದ ಯುವ ಸಂಸದೆ ಪ್ರಿಯಾಂಕಾ ಜಾರಕಿಹೊಳಿ ಅವರ ವಿವಾಹ ನಿಶ್ಚಿತಾರ್ಥವು ಬೆಳಗಾವಿಯಲ್ಲಿ ಸರಳ ಹಾಗೂ ಶಾಸ್ತ್ರೋಕ್ತವಾಗಿ ನೆರವೇರಿದೆ.

ರಾಜ್ಯ ರಾಜಕೀಯದಲ್ಲಿ ಪ್ರಭಾವಿ ನಾಯಕ ಹಾಗೂ ಕುಂದಾನಗರಿ ಸಾಹುಕಾರ್ ಸತೀಶ್ ಜಾರಕಿಹೊಳಿ ಪುತ್ರಿಯಾಗಿರುವ ಸಂಸದೆ ಪ್ರಿಯಾಂಕಾ ಜಾರಕಿಹೊಳಿ ಎಂಗೇಜ್ ಆಗಿದ್ದಾರೆ. ಚಿಕ್ಕೋಡಿ ಲೋಕಸಭಾ ಕ್ಷೇತ್ರದ ಯುವ ಸಂಸದೆ ಪ್ರಿಯಾಂಕಾ ಜಾರಕಿಹೊಳಿ ಅವರ ವಿವಾಹ ನಿಶ್ಚಿತಾರ್ಥವು ಬೆಳಗಾವಿಯಲ್ಲಿ ಸರಳ ಹಾಗೂ ಶಾಸ್ತ್ರೋಕ್ತವಾಗಿ ನೆರವೇರಿದೆ. 

ಬಿಸಿಲುನಾಡಿನ ನಿವೃತ್ತ ಆರ್‌ಟಿಒ ಪುತ್ರ ಹಾಗೂ ಸಿಎ ಗೌತಮ್ ಪಾಟೀಲ್ ಅವರೊಂದಿಗೆ ಮದುವೆ ನಿಶ್ಚಯವಾಗಿದೆ. ಹಾಗಾದ್ರೆ ಪ್ರಿಯಾಂಕಾ ಅವರ ಕೈ ಹಿಡಿಯುತ್ತಿರುವ ಗೌತಮ್ ಯಾರು ಹಿನ್ನೆಲೆ ಏನು? ಏನ್ ಮಾಡ್ತಿದ್ದಾರೆ ಅನ್ನೋದನ್ನು ಹೇಳ್ತಿವಿ ನೋಡಿ.

ಪ್ರಿಯಾಂಕಾ ಜಾರಕಿಹೊಳಿ ಅವರ ಕೈಹಿಡಿಯಲಿರುವ ಭಾವಿ ವರನ ಹೆಸರು ಗೌತಮ್ ಪಾಟೀಲ್. ವೃತ್ತಿಯಲ್ಲಿ ಚಾರ್ಟರ್ಡ್ ಅಕೌಂಟೆಂಟ್ (ಸಿಎ) ಆಗಿರುವ ಗೌತಮ್, ರಾಯಚೂರು ಜಿಲ್ಲೆಯ ದೇವದುರ್ಗ ಮೂಲದವರು. ಗೌತಮ್ ಅವರ ತಂದೆ ನಿವೃತ್ತ ಆರ್‌ಟಿಒ ಅಧಿಕಾರಿಯಾಗಿದ್ದು, ಸದ್ಯ ಇವರ ಕುಟುಂಬ ಉನ್ನತ ಹಿನ್ನೆಲೆಯನ್ನು ಹೊಂದಿದೆ. ಇನ್ನೂ ವರನ ಕುಟುಂದ ಹೆಚ್ಚಿನ ಮಾಹಿತಿಯನ್ನು ಜಾರಕಿಹೊಳಿ ಕುಟುಂಬ ಬಹಿರಂಗಪಡಿಸಿಲ್ಲ. 

ರಾಜಕೀಯವಾಗಿ ಜಾರಕಿಹೊಳಿ ಸಹೋದರರ ನಡುವೆ ಭಿನ್ನಾಭಿಪ್ರಾಯಗಳಿದ್ದರೂ, ಮನೆಯ ಶುಭ ಸಮಾರಂಭಕ್ಕಾಗಿ ಎಲ್ಲ ಸಹೋದರರು ಒಟ್ಟಾಗಿ ಸೇರಿದ್ದು ಈ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿತ್ತು. ನಿಶ್ಚಿತಾರ್ಥ ಸಮಾರಂಭದಲ್ಲಿ ಶಾಸಕ ಬಾಲಚಂದ್ರ ಜಾರಕಿಹೊಳಿ, ವಿಧಾನ ಪರಿಷತ್ ಸದಸ್ಯ ಲಖನ್ ಜಾರಕಿಹೊಳಿ, ಪ್ರಿಯಾಂಕಾ ಅವರ ಸಹೋದರ ರಾಹುಲ್ ಜಾರಕಿಹೊಳಿ ಸೇರಿದಂತೆ ಇಡೀ ಕುಟುಂಬದ ಸದಸ್ಯರು ಉಪಸ್ಥಿತರಿದ್ದು ಭಾವಿ ದಂಪತಿಗೆ ಶುಭ ಹಾರೈಸಿದರು.

ಇನ್ನು, ಕಳೆದ 2024ರ ಲೋಕಸಭಾ ಚುನಾವಣೆಯಲ್ಲಿ ಚಿಕ್ಕೋಡಿ ಕ್ಷೇತ್ರದಿಂದ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಭರ್ಜರಿ ಗೆಲುವು ದಾಖಲಿಸುವ ಮೂಲಕ ದೇಶದ ಅತಿ ಕಿರಿಯ ಸಂಸದೆಯರಲ್ಲಿ ಒಬ್ಬರಾಗಿ ಪ್ರಿಯಾಂಕಾ ಜಾರಕಿಹೊಳಿ ಸಂಸತ್ ಪ್ರವೇಶಿಸಿದ್ದರು. ತಮ್ಮ ಸರಳತೆ ಮತ್ತು ಅಭಿವೃದ್ಧಿ ಪರ ಚಿಂತನೆಗಳಿಂದ ಗುರುತಿಸಿಕೊಂಡಿರುವ ಪ್ರಿಯಾಂಕಾ, ಇದೀಗ ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ. ಮದುವೆಯ ದಿನಾಂಕ ಹಾಗೂ ಹೆಚ್ಚಿನ ವಿವರಗಳನ್ನು ಕುಟುಂಬದ ಮೂಲಗಳು ಶೀಘ್ರದಲ್ಲೇ ಪ್ರಕಟಿಸುವ ಸಾಧ್ಯತೆಯಿದೆ.

ದರ್ಶನ್​ ಪತ್ನಿ ವಿಜಯಲಕ್ಷ್ಮಿ ಮತ್ತು ನಟ ಧನ್ವಿರ್​ ಗೌಡ ನಡುವೆ ನಡೆಯುತ್ತಿದ್ದ ಮುಸುಕಿನ ಗುದ್ದಾಟ ಇದೀಗ ಬೀದಿಗೆ ಬಂದಿದೆ.

ರೇಣುಕಾಸ್ವಾಮಿ ಕೇಸ್​ನಲ್ಲಿ ನಟ ದರ್ಶನ್​ ಅಂದರ್​ ಆಗಿದ್ದಾರೆ. ಜಾಮೀನಿನ ಬಗ್ಗೆ ತಲೆ ಕೆಡಿಸಿಕೊಂಡು ಪರಪ್ಪನ ಅಗ್ರಹಾರದಲ್ಲಿ ನರಕಯಾತನೆ ಅನುಭವಿಸುತ್ತಿದ್ದಾರೆ. ಆದ್ರೆ, ಇತ್ತ, ದರ್ಶನ್​ ಪತ್ನಿ ವಿಜಯಲಕ್ಷ್ಮಿ ಮತ್ತು ನಟ ಧನ್ವಿರ್​ ಗೌಡ ನಡುವೆ ನಡೆಯುತ್ತಿದ್ದ ಮುಸುಕಿನ ಗುದ್ದಾಟ ಇದೀಗ ಬೀದಿಗೆ ಬಂದಿದೆ. 

ಒಂದು ಕಾಲದಲ್ಲಿ ದರ್ಶನ್ ಬಲಗೈ ಬಂಟನಾಗಿ ಧನವೀರ್ ಅವರನ್ನು ಜೈಲಿನಿಂದ ಬಿಡಿಸಿಕೊಂಡು ಬರಲು ಶಕ್ತಿ ಮೀರಿ ಹೋರಾಡುತ್ತಿದ್ದರು. ಬಳ್ಳಾರಿ ಜೈಲಿನಲ್ಲಿ ಇದ್ದ ದರ್ಶನ್ ರನ್ನು ನೋಡಲು ವಿಜಯಲಕ್ಷ್ಮಿ ಬಂದಾಗೆಲ್ಲ ಅವರ ಜೊತೆಗೆ ಧನವೀರ್ ಇರುತ್ತಿದ್ದರು. ಅಷ್ಟೊಂದು ಬೆನ್ನೆಲುಬಾಗಿ ನಿಂತಿದ್ದ ಧನವೀರ್ ವಿರುದ್ಧವೇ ವಿಜಯಲಕ್ಷ್ಮಿ ಕೆರಳಿದ್ದಾರೆ ಎನ್ನಲಾಗುತ್ತಿದೆ. ಇಷ್ಟಕ್ಕೆಲ್ಲ ಅಸಲಿ ಕಾರಣ ಏನು? ಅಸಲಿಗೆ ಇವರ ಮಧ್ಯೆ ನಡೆದಿದ್ದೇನು ಅನ್ನೋದನ್ನು ಹೇಳ್ತಿವಿ. ಅದಕ್ಕೂ ಮೊದಲು ನಮ್ಮ ಚಾನೆಲ್ ನ ಸಬ್ಸ್ಕ್ರೈಬ್ ಮಾಡಿ.

ವರದಿಗಳ ಪ್ರಕಾರ, ನಟ ದರ್ಶನ್ ಪತ್ನಿ ವಿಜಯಲಕ್ಷ್ಮಿ ಮತ್ತು ಆಪ್ತ ಸಹಾಯಕ ನಾಗರಾಜ್, ನಟ ಧನ್ವೀರ್ ಅವರೊಂದಿಗೆ ಮಾತುಕತೆ ನಡೆಸುವ ಉದ್ದೇಶದಿಂದ ಅವರ ಮನೆಗೆ ತೆರಳಿದ್ದರು ಎನ್ನಲಾಗಿದೆ. ಆದರೆ, ಅವರು ಮನೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಧನ್ವೀರ್ ಅಲ್ಲಿ ಇರಲಿಲ್ಲ ಎಂದು ಹೇಳಲಾಗುತ್ತಿದೆ. ಹೀಗಾಗಿ ವಿಜಯಲಕ್ಷ್ಮಿ ಮತ್ತು ನಾಗರಾಜ್ ಅಲ್ಲಿಂದ ವಾಪಸ್ ಬಂದಿದ್ದರು ಎಂಬ ಮಾಹಿತಿ ಇದೆ. 

ಧನ್ವೀರ್ ಮನೆಗೆ ವಿಜಯಲಕ್ಷ್ಮಿ ಮತ್ತು ನಾಗರಾಜ್ ತೆರಳಿದ್ದ ವಿಚಾರ ತಿಳಿದ ಬಳಿಕ ನಟ ಧನ್ವೀರ್, ನಾಗರಾಜ್‌ಗೆ ದೂರವಾಣಿ ಕರೆ ಮಾಡಿದ್ದರು ಎನ್ನಲಾಗಿದೆ. ಈ ಕರೆಯ ಸಂದರ್ಭದಲ್ಲಿ ಧನ್ವೀರ್ ತಮ್ಮನ್ನು ಅವಾಚ್ಯ ಶಬ್ದಗಳಿಂದ ನಿಂದಿಸಿ ಬೆದರಿಕೆ ಹಾಕಿದ್ದಾರೆ ಎಂಬುದು ನಾಗರಾಜ್ ಆರೋಪವಾಗಿದೆ. ಈ ಘಟನೆಗೆ ಸಂಬಂಧಿಸಿದಂತೆ ನಾಗರಾಜ್ ಬೆಂಗಳೂರಿನ ರಾಜರಾಜೇಶ್ವರಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. 

ನಟ ಧನ್ವೀರ್ ಹಾಗೂ ವಿಜಯಲಕ್ಷ್ಮಿ ಅವರ ಪಿಎ ನಾಗರಾಜ್ ನಡುವಿನ ಚಾಟಿಂಗ್ ಸ್ಕ್ರೀನ್ ಶಾಟ್ ಗಳು ಹರಿದಾಡಿವೆ. ಚಾಟಿಂಗ್​ನಲ್ಲಿ ನಟ ಧನ್ವೀರ್,​ ದರ್ಶನ್ ಪತ್ನಿಯ ಬಗ್ಗೆಯೂ ಅವಾಚ್ಯವಾಗಿ ಮೆಸೇಜ್ ಮಾಡಿದ್ದಾರೆ ಎಂದು ಹೇಳಲಾಗಿದೆ. ನಾನು ಇಲ್ಲದ ಟೈಮಲ್ಲಿ ಬರ್ತೀರೇನೋ ಎಂದು ಮೆಸೇಜ್ ಮಾಡಿರುವ ಧನ್ವೀರ್ ಹೆಚ್ಚಾಗಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ. ಸದ್ಯ ಧನ್ವೀರ್ ಮಾಡಿದ್ದಾರೆ ಎನ್ನಲಾದ ಮೆಸೇಜ್​ಗಳ ಸ್ಕ್ರೀನ್ ಶಾಟ್ ವೈರಲ್ ಆಗಿದೆ. ಮತ್ತೊಂದೆಡೆ ಧನ್ವೀರ್​ ವಿರುದ್ಧ ದೂರು ದಾಖಲಿಸಿಕೊಂಡಿರುವ ಆರ್​.ಆರ್​ ನಗರ ಪೊಲೀಸರು, ಆಡಿಯೋ ಹಾಗೂ ವಾಟ್ಸಪ್ ಚಾಟಿಂಗ್ ಪರಿಶೀಲನೆ ಮಾಡ್ತಿದ್ದು, ತನಿಖೆ ಮುಂದುವರೆಸಿದ್ದಾರೆ.

ದರ್ಶನ್ ಪತ್ನಿ ವಿಜಯಲಕ್ಷ್ಮಿ ಮತ್ತು ನಟ ಧನ್ವೀರ್​ ಗೌಡ ನಡುವೆ ಎಲ್ಲವೂ ಸರಿಯಲ್ಲ ಎಂಬುದು ಬಟಬಯಲಾಗಿದೆ. ಇಷ್ಟು ದಿನ ಇನ್​ಸ್ಟಾಗ್ರಾಂ ಸ್ಟೋರಿಗೆ ಸೀಮಿತವಾಗಿದ್ದ ಮುಸುಕಿನ ಗುದ್ದಾಟ ಇದೀಗ ಠಾಣೆ ಮೆಟ್ಟಿಲೇರುವ ಹಂತಕ್ಕೆ ತಲುಪಿದೆ. ವಿಜಯ್​ಲಕ್ಷ್ಮಿ ಮ್ಯಾನೇಜರ್​ ನಟ ಧನ್ವೀರ್​ ವಿರುದ್ಧ ದೂರು ನೀಡಿದ್ರೆ, ಇತ್ತ ಧನ್ವೀರ್​ ಗೌಡ ವಿಜಯಲಕ್ಷ್ಮೀ ಅವರ ವಿರುದ್ಧ ಪ್ರತಿದೂರು ನೀಡಿದ್ದಾರೆ.

ಮತ್ತೊಂದೆಡೆ, ವಿಜಯಲಕ್ಷ್ಮಿ ದರ್ಶನ್ ಹಾಗೂ ನಾಗರಾಜ್ ವಿರುದ್ಧ ಧನ್ವೀರ್ ತಂದೆ ದೂರು ನೀಡಿದ್ದಾರೆ. ಮನೆಗೆ ಬಂದು ರೌಡಿಗಳನ್ನ ಕರೆಸಿ ಬೆದರಿಕೆ ಹಾಕಿರೋದಾಗಿ ಆರೋಪಿಸಿ ಒಟ್ಟು ನಾಲ್ವರ ವಿರುದ್ಧ ಧನ್ವೀರ್ ತಂದೆ ತಿಮ್ಮೇಗೌಡ ಅವರು ರಾಜಾಜಿನಗರ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಧನ್ವೀರ್ ಜೊತೆ ಮಾತನಾಡಲು ಎಂದು ಬಂದು ಬೆದರಿಕೆ ಹಾಕಿದ್ದಾರೆ ಎಂದು ವಿಜಯಲಕ್ಷ್ಮಿ, ನಾಗರಾಜ್, ಭೋಜ, ಬಟಾಲಿ ಪ್ರಮೋದ್ ವಿರುದ್ದ ದೂರು ನೀಡಿದ್ದಾರೆ. ಗೌರವ್ ಶೆಟ್ಟಿ ಎಂಬಾತನ ಮೂಲಕ ರೌಡಿಗಳನ್ನ ಕರೆಸಿ ಬೆದರಿಕೆ ಹಾಕಿದ್ದಾರೆ ಎಂದು ಧನ್ವೀರ್  ತಂದೆ ತಿಮ್ಮೇಗೌಡ ದೂರು ನೀಡಿದ್ದಾರೆ. ಈ ಹಿಂದೆ ಸಾಕ್ಷಿಗೆ ಬೆದರಿಕೆ ಕೇಸ್​ನಲ್ಲೂ ಗೌರವ್ ಶೆಟ್ಟಿ ಹೆಸರು ಕೇಳಿಬಂದಿತ್ತು. ಈ ಸಂಬಂಧ ಕಾಮಾಕ್ಷಿ ಪಾಳ್ಯದಲ್ಲಿ ಗೌರವ್ ಶೆಟ್ಟಿ ವಿರುದ್ಧ ಕೇಸ್ ಆಗಿತ್ತು. ಇದೀಗ ಧನ್ವೀರ್ ಮನೆಗೆ ಗೌರವ್ ಶೆಟ್ಟಿ ಮೂಲಕ ಇಬ್ಬರನ್ನ ಕರೆಸಿ ಅವಾಜ್ ಹಾಕಿಸಿರುವ ಬಗ್ಗೆ ದೂರು ದಾಖಲಾಗಿದೆ. 

ಒಟ್ಟಿನಲ್ಲಿ, ನಟ ದರ್ಶನ್​ ಕೊಲೆ ಕೇಸ್​ನಲ್ಲಿ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ಕಷ್ಟ ಅನುಭವಿಸುತ್ತಿದ್ದಾರೆ. ಇತ್ತ ಹೊರಗೆ, ಧನ್ವೀರ್​​ ಮತ್ತು ವಿಜಯಲಕ್ಷ್ಮಿ ನಡುವೆ ಫೈಟ್​ ಶುರುವಾಗಿದ್ದು, ಈ ಗುದ್ದಾಟ ಎಲ್ಲಿಗೆ ತಲುಪಲಿದೆ ಎಂದು ಕಾದುನೋಡಬೇಕಿದೆ.

ಕನ್ನಡಿಗರಲ್ಲಿ ಕ್ಷಮೆಯಾಚಿಸಿದ ಸೋನು ನಿಗಮ್ ಇದನ್ನು ಇಲ್ಲಿಗೆ ಮುಗಿಸೋಣ ಎಂದ ಕರವೇ ನಾರಾಯಣಗೌಡ

 

ಕನ್ನಡಿಗರಲ್ಲಿ ಕ್ಷಮೆಯಾಚಿಸಿದ ಸೋನು ನಿಗಮ್ ಇದನ್ನು ಇಲ್ಲಿಗೆ ಮುಗಿಸೋಣ ಎಂದ ಕರವೇ ನಾರಾಯಣಗೌಡ

ಕನ್ನಡ ಭಾಷೆ ಕುರಿತು ಹೇಳಿಕೆಯಿಂದ ವಿವಾದಕ್ಕೆ ಸಿಲುಕಿದ್ದ ಖ್ಯಾತ ಗಾಯಕ ಸೋನು ನಿಗಮ್ ಈಗ ಕನ್ನಡಿಗರಲ್ಲಿ ಮತ್ತೆ ಕ್ಷಮೆಯಾಚಿಸಿದ್ದಾರೆ.

ಈ ಬಗ್ಗೆ ಕರ್ನಾಟಕ ರಕ್ಷಣಾ ವೇದಿಕೆ ರಾಜ್ಯಾಧ್ಯಕ್ಷ ಟಿ.ಎ. ನಾರಾಯಣಗೌಡ ತಿಲಿಸಿದ್ದಾರೆ

ಗಾಯಕ ಸೋನು ನಿಗಮ್ ಇಂದು ನನ್ನೊಂದಿಗೆ ಮಾತಾನಡಿದರು. ತಾವು ಹಿಂದೆ ಮಾಡಿದ ಒಂದು ಮಾತು ಕನ್ನಡಿಗರನ್ನು ಹೇಗೆ ನೋಯಿಸಿದೆ ಎಂಬುದು ಅವರಿಗೆ

ಅರ್ಥವಾಗಿದೆ. ಬೇಷರತ್ತಾಗಿ ಕ್ಷಮೆ ಯಾಚಿಸಿವುದಾಗಿ ಅವರು ಹೇಳಿದರು.

ನಾನು ಹಿಂದೆಯೂ ಹೇಳಿದ್ದೇನೆ. ನಾವೆಲ್ಲರೂ ಸೋನು ನಿಗಮ್ ಅವರ ಹಾಡುಗಳನ್ನು ಇಷ್ಟಪಟ್ಟವರು. ಅವರ ಕುರಿತು ವೈಯಕ್ತಿಕವಾಗಿ ಯಾವ ದ್ವೇಷ

ಮುನಿಸು ನಮಗೆ ಇರಲಿಲ್ಲ. ಆ ಒಂದು ಮಾತನ್ನು ಅರಗಿಸಿಕೊಳ್ಳಲು ನಮ್ಮಿಂದ ಆಗಿರಲಿಲ್ಲ. ಅದಕ್ಕಾಗಿ ನಮ್ಮ ಪ್ರತಿಭಟನೆ. ಆಕ್ರೊಶ ಸಹಜವಾಗೆ ಇತ್ತು.

ಇದೀಗ ಅವರು ಕ್ಷಮೆ ಯಾಚಿಸಿದ್ದಾರೆ. ಇಲ್ಲಿಗೆ ಇದನ್ನು ಮುಗಿಸುವುದು ಒಳ್ಳೆಯಾದು. ಕ್ಷಮೆ ಕೇಳಿದವರನ್ನು ಕ್ಷಮಿಸುವುದು ಕನ್ನಡಿಗರ ಔದಾರ್ಯ

ಗೀತೆ ತನುವು ನಿನ್ನದು ಮನವು ನಿನ್ನದು kannada lyrics

 ಗೀತೆ ತನುವು ನಿನ್ನದು ಮನವು ನಿನ್ನದು

ಸಂಗೀತ: ಮೈಸೂರು ಅನಂತಸ್ವಾಮಿ

ಸಾಹಿತ್ಯ: ಕುವೆಂಪು 

ಗಾಯಕರು: ಮೈಸೂರು ಅನಂತಸ್ವಾಮಿ

 

ತನುವು ನಿನ್ನದು ಮನವು ನಿನ್ನದು

ತನುವು ನಿನ್ನದು ಮನವು ನಿನ್ನದು

ಎನ್ನ ಜೀವನ ಧನವು ನಿನ್ನುದು

ನಾನು ನಿನ್ನವನೆಂಬ  ಹೆಮ್ಮೆಯ

ಋಣವು ಮಾತ್ರವೇ ನನ್ನದು

ತನುವು ನಿನ್ನದು ಮನವು ನಿನ್ನದು

ನೀನು ಹೊಳೆದರೆ ನಾನು ಹೊಳೆವೆನು

ನೀನು ಹೊಳೆದರೆ ನಾನು ಹೊಳೆವೆನು

ನೀನು ಬೆಳೆದರೆ ನಾನು ಬೆಳೆವೆನು

ನೀನು ಹೊಳೆದರೆ ನಾನು ಹೊಳೆವೆನು

ನೀನು ಬೆಳೆದರೆ ನಾನು ಬೆಳೆವೆನು

ನನ್ನ ಹರಣದ ಹರಣ ನೀನು

ನನ್ನ ಮರಣದ ಮರಣವು ನೀನು

ತನುವು ನಿನ್ನದು ಮನವು ನಿನ್ನದು

ನನ್ನ ಮನದಲಿ ನೀನೆ ಯುಕ್ತಿ 

ನನ್ನ ಹೃದಯದಿ ನೀನೆ ಭಕ್ತಿ

ನನ್ನ ಮನದಲಿ ನೀನೆ ಯುಕ್ತಿ

ನನ್ನ ಹೃದಯದಿ ನೀನೆ ಭಕ್ತಿ

ನೀನೆ ಮಾಯಾ ಮೋಹ ಶಕ್ತಿಯು

ನನ್ನ ಜೀವನ ಮುಕ್ತಿಯು

ನನ್ನ ಜೀವನ ಮುಕ್ತಿಯು

ತನುವು ನಿನ್ನದು ಮನವು ನಿನ್ನದು

ತನುವು ನಿನ್ನದು ಮನವು ನಿನ್ನದು

ತನುವು ನಿನ್ನದು ಮನವು ನಿನ್ನದು

ಕಬ್ಬು ಬೆಳೆಗಾರರ ಹೋರಾಟಕ್ಕೆ ರಾಜಕೀಯ ಬಣ್ಣ ಆರೋಪ ಪ್ರತ್ಯಾರೋಪ

ರಾಜ್ಯದ 217 ತಾಲೂಕುಗಳಲ್ಲಿಭೀಕರ ಬರಗಾಲ ಎದುರಾಗಿ ಸುಮಾರು 20 ಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿಬೆಳೆ ನಾಶವಾಗಿದೆ. ರೈತರಿಗೆ ಸರಕಾರದ ಭಿಕ್ಷೆ ರೂಪದ ಹಣ ಬೇಕಿಲ್ಲ. ಕೃಷಿ ಕ್ಷೇತ್ರ ಸಂಕಷ್ಟಕ್ಕೆ ಸಿಲುಕಿದ್ದು, ಲಕ್ಷಾಂತರ ರೈತ ಕುಟುಂಬಗಳು ಆರ್ಥಿಕ ಸಂಕಷ್ಟ ಎದುರಿಸುತ್ತಿವೆ. ಮಳೆಯ ಕೊರತೆ ಬೆಳೆ ನಾಶ, ಕೃಷಿ ಉತ್ಪಾನ್ನ ವೆಚ್ಚದ ಏರಿಕ, ವಿದ್ಯುತ್ ಸಮಸ್ಯೆ ಹಾಗೂ ಸಾಲದ ಹೊರೆಯಿಂದ ರೈತರು ಕಂಗಾಲಾಗಿದ್ದಾರೆ. ರೈತರ ನೆರವಿಗೆ ಧಾವಿಸಬೇಕಾದ ಸರಕಾರಗಳು ಕೇವಲ 

ತಾತ್ಕಾಲಿಕ ಪರಿಹಾರಕ್ಕೆ ಸೀಮಿತವಾಗದೆ, ರೈತರ ಸಂಕಷ್ಟಕ್ಕೆ ಶಾಶ್ವತ ಪರಿಹಾರವಾಗಿ ರೈತರ ಸಾಲ ಮನ್ನಾ ಮಾಡಬೇಕು ಎಂದು ರೈತ ಮುಖಂಡ ಕುರುಬರ 

ಶಾಂತಕುಮಾರ್ ಆಗ್ರಹಿಸಿದರು.

40 ಸಾವಿರ ಅನರ್ಹ ಪಡಿತರದಾರರು ಪತ್ತೆ, ಅನರ್ಹ ಪಡಿತರ ಚೀಟಿ ಹಿಂದಿರುಗಿಸಲು ಕೇರಳದಲ್ಲಿ 2 ತಿಂಗಳು ಗಡುವು ವಿಸ್ತರಣೆ....

40 ಸಾವಿರ ಅನರ್ಹ ಪಡಿತರ ಚೀಟಿ ಪತ್ತೇ

ಕೇರಳದಲ್ಲಿ ಸುಮಾರು 40 ಸಾವಿರ ಮಂದಿ ಅನರ್ಹವಾಗಿ ಆದ್ಯತಾ ಪಡಿತರ ಚೀಟಿಗಳನ್ನು ಹೊಂದಿದ್ದಾರೆ. ಅನರ್ಹ ಫಲಾನುಭವಿಗಳ ನಿಖರವಾದ ಮಹಿತಿಯನ್ನು

ಎರಡು ತಿಂಗಳೊಳಗೆ ಪಡಿತರ ಅಂಗಡಿಗಳ ಮೂಲಕ ಸಂಗ್ರಹಿಸಲಾಗುವುದು.

ಅನರ್ಹವಾಗಿ ಎವೈವೈ ಕಾರ್ಡ್ಗಳು ಮತ್ತು ಆದ್ಯತಾ ಪಡಿತರ ಚೀಟಿಗಳನ್ನು ಹೊಂದಿರುವವರು ಅವುಗಳನ್ನು ಸ್ವಯಂಪ್ರೇರಿತವಾಗಿ ಹಿಂದಿರುಗಿಸಲು ಇನ್ನೂ ಎರಡು

ತಿಂಗಳ ಕಾಲವಕಾಶ ನೀಡಲಾಗುವುದು. ಪ್ರಧಾನವಾಗಿ ಸರ್ಕಾರಿ ಉದ್ಯೋಗ ದೊರೆಯುವುದು, ಆದಾಯ ಹೆಚ್ಚಾಗುವುದು ಅಥವಾ ಜೀವನ ಪರಿಸ್ಥಿತಿಗಳು 

ಸುಧಾರಿಸುವುದರಿಂದ ಕೆಲವರು ಆದ್ಯತಾ ಪಡಿತರ ಚೀಟಿಗಳಿಗೆ ಅನರ್ಹರಾಗಬಹುದು.

ಇಂತಹವರು ಸ್ವಯಂ ಪ್ರೇರಿತವಾಗಿ ತಮ್ಮ ಕಾರ್ಡ್ಗಳನ್ನು ಹಿಂದಿರುಗಿಸಬೇಕು. ಆದರೆ ಸ್ವಯಂ ಪ್ರೇರಿತವಾಗಿ ಕಾರ್ಡ್ಗಳನ್ನು ಹಿಂದಿರುಗಿಸದೆ ಇರುವವರ ವಿರುದ್ದ 

ಕೆಟಿಪಿಡಿಎಸ್ ಕಾಯ್ದೆಯಡಿ ಕ್ರಮ ಕೈಗೊಳ್ಳಲಾಗುತ್ತದೆ. ಇದರಡಿ ಬಾರೀ ದಂಡ ವಿಧಿಸುವ ಸಾಧ್ಯತೆಯೂ ಇದೆ.

ಕೆಲವರು ಅರಿವಿಲ್ಲದೆ ಅಥವಾ ಉದ್ದೇಶಪೂರ್ವಕವಲ್ಲದ ಕಾರಣಗಳಿಂದ ಅನರ್ಹ ಕಾರ್ಡ್ಗಳನ್ನು ಹೊಂದಿರಬಹುದು. ಈ ಎಲ್ಲ ಅಂಶಗಳನ್ನು ಪರಿಗಣಿಸಿ. ಪ್ರಸ್ತುತ

ಅನರ್ಹವಾಗಿ ಹೊಂದಿರುವ ಪಡಿತರ ಚೀಟಿಗಳನ್ನು ಸ್ವಯಂ ಪ್ರೇರಿತವಾಗಿ ಹಿಂದಿರುಗಿಸಲು ಮತ್ತೆರಡು ತಿಂಗಳ ಕಾಲಾವಕಾಶ ನೀಡಲಾಗಿರುವುದು

ವಿಜಯನಗರ : ಎಫ್ಐಡಿ ರದ್ದು ಮಾಡಿ, ರೈತರ ಸಾಲಮನ್ನಾಗೆ ಆಗ್ರಹ

ವಿಜಯನಗರ ಜಿಲ್ಲೆಯ ಹೊಸಪೇಟೆಯಲ್ಲಿ ಡಿಎಪಿ ಮತ್ತು ರಸಗೊಬ್ಬರ ಬೆಲೆ ಏರಿಕೆ ವಿರುದ್ಧ ಪಾದಯಾತ್ರೆ ನಡೆಸಲಾಯಿತು. ಕರ್ನಾಟಕ‌ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಜೆ. ಕಾರ್ತಿಕ್ ಬಣದಿಂದ ಸಾಯಿಬಾಬಾ ಸರ್ಕಲ್ ನಿಂರ ಜಿಲ್ಲಾಧಿಕಾರಿ ಕಚೇರಿವರೆಗೆ ರೈತರು ಮೆರವಣಿಗೆ ನಡೆಸಿದರು. 

ಮುಂಬರುವ ದಿನಗಳಲ್ಲಿ ಎಫ್ಐಡಿ  ಗೊಂದಲ ಮತ್ತು ಯೂರಿಯಾ ಡಿಎಪಿ ಗೊಬ್ಬರವನ್ನು ಮಾರುಕಟ್ಟೆಗಳಲ್ಲಿ ಮತ್ತು ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘ ನಿಯಮಿತ ಇಲಾಖೆಯಲ್ಲಿ ಎಫ್ಐಡಿ ಮೂಲಕ ಗೊಬ್ಬರ ಕೊಡುವುದನ್ನು  ತಕ್ಷಣ ಕೈಬಿಡಬೇಕು ಆಗ್ರಹಿಸಿದರು. ಅಲ್ಲದೇ, ಮುಂಬರುವ ದಿನಗಳಲ್ಲಿ ಎಫ್ಐಡಿ ಲಿಂಕ್ ಆಧಾರಿತ ಔಷಧಿ ಕೊಡುವುದನ್ನು ರದ್ದು ಮಾಡಬೇಕು ಅಂತಾ ಆಗ್ರಹಿಸಿದರು. ರಸಗೊಬ್ಬರಗಳ ಬೆಲೆ ಇಳಿಕೆ ಮಾಡಬೇಕು ಮತ್ತು ರೈತರ ಸಾಲವನ್ನು ಸಂಪೂರ್ಣ ಮನ್ನಾ ಮಾಡಬೇಕು ಅಂತಾ ಒತ್ತಾಯಿಸಬೇಕು.

ರೈತ ಹೋರಾಟಗಾರ ದಿವಂಗತ ಜೆ. ಕಾರ್ತಿಕ್ ಅವರ ಸಹೋದರಿ ಉಮಾದೇವಿ ಮಾತನಾಡಿ, ಎಫ್ಐಡಿಯಿಂದ ಗ್ರಾಮೀಣ ಭಾಗದ ರೈತರಿಗೆ ತೊಂದರೆ ಆಗುತ್ತಿದೆ. ಮೊದಲೆಲ್ಲ ರೈತರು ಕೆಮಿಕಲ್ ಗೊಬ್ಬರ ಬಳಸುತ್ತಿರಲಿಲ್ಲ.‌ ರೈತರಿಗೆ ಈ ಗೊಬ್ಬರದ ರುಚಿ ಹಚ್ಚಿದ್ದೇ ಸರ್ಕಾರ. ಈಗ ಗೊಬ್ಬರ ವಿತರಣೆ ಮಿತಿಯನ್ನು ಕಡಿತಗೊಳಿಸಿದ್ದು ತುಂಬಾ ಬೇಸರದ ವಿಷಯ. ಅಲ್ಲದೇ, ಜಿಲ್ಲೆಯಲ್ಲಿ ಗೊಬ್ಬರದ ಕೊರತೆ ಇದ್ದರೂ ಯಾವುದೇ ಪ್ರಾಬ್ಲಂ ಇಲ್ಲ ಅಂತಾ ಹೇಳ್ತಿದ್ದಾರೆ ಅಂದರು. ವಿದ್ಯುತ್ ಖಾಸಗೀಕರಣ ಮಾಡುವುದು ಖಂಡನೀಯ. ಖಾಸಗಿಯವರು ಇದನ್ನು ಆಕ್ರಮಣ ಮಾಡಿದರೆ ರೈತರಿಗೆ ಉಚಿತ ವಿದ್ಯುತ್ ದೊರಕುವುದಿಲ್ಲ. ಹೀಗಾಗಿ, ಸಿಎಂ ಡಿಕೆಶಿಯವರು ರೈತರಿಗೆ 24*7 ವಿದ್ಯುತ್ ಪೂರೈಸಬೇಕೆಂದು ಆಗ್ರಹಿಸಿದರು. 

ಮತ್ತೊಬ್ಬ ರೈತ ಸಂಘದ ಜಿಲ್ಲಾಧ್ಯಕ್ಷ ಮಲ್ಲಿಕಾರ್ಜುನ ಮಾತನಾಡಿ, ಸರ್ಕಾರ ಕೂಡಲೇ ಎಫ್ಐಡಿ ಕೈಬಿಡಬೇಕು. ಖಾಸಗಿ ಅಂಗಡಿಗಳಲ್ಲಿ ಗೊಬ್ಬರ ಯಥೇಚ್ಛವಾಗಿ ಸಿಗುತ್ತಿದೆ. ಆದರೆ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘಗಳಲ್ಲಿ ಸಮರ್ಪಕವಾಗಿ ಗೊಬ್ಬರ ಸಿಗುತ್ತಿಲ್ಲ. ಈಗಾಗಲೇ ಮುಂಗಾರು ಕೈಕೊಟ್ಟಿದೆ. ಮುಖ್ಯಮಂತ್ರಿ ಡಿಕೆಶಿಯವರು, ರೈತರಿಗೆ ಅನುಕೂಲ ಆಗುವಂತೆ ಕ್ರಮ ಕೈಗೊಳ್ಳಬೇಕು ಅಂತಾ ಆಗ್ರಹಿಸಿದರು.

ರೈತರ ಮನವಿ ಸ್ವೀಕರಿಸಿದ ಜಿಲ್ಲಾಧಿಕಾರಿ ಕವಿತಾ ಎಸ್.‌ಮನ್ನಿಕೇರಿ, ಸಂಬಂಧಪಟ್ಟವರ ಜೊತೆ ಮಾತನಾಡಿ ರೈತರಿಗೆ ಅನುಕೂಲ ಮಾಡಿ ಕೊಡುತ್ತೇನೆ ಅಂದರು.

ಇನ್ನು, ರೈತ ಸಂಘದ ಜಿಲ್ಲಾ ಉಪಾಧ್ಯಕ್ಷ  ನಾಗರಾಜ್ ಮಾತನಾಡಿ, ಕೂಡಲೇ ಸರ್ಕಾರ ರೈತರ ಬೇಡಿಕೆಗಳನ್ನು ಈಡೇರಿಸಬೇಕು. ಇಲ್ಲದಿದ್ರೆ ಉಗ್ರ ಹೋರಾಟ ಮಾಡುವುದಾಗಿ ಎಚ್ಚರಿಕೆ ನೀಡಿದರು.

ವಿಜಯನಗರ : ಜೂ. 20ರಿಂದ ಜು. 29ರವರೆಗೆ ಎಸ್ಐಆರ್

ವಿಜಯನಗರ ಜಿಲ್ಲೆಯಲ್ಲಿ ಜೂನ್ 20ರಿಂದ ಎಸ್ಐಆರ್ ಪ್ರಕ್ರಿಯೆ ಆರಂಭವಾಗಲಿದೆ ಅಂತಾ ಜಿಲ್ಲಾಧಿಕಾರಿ ಕವಿತಾ ಎಸ್. ಮನ್ನಿಕೇರಿ ಅವರು ಮಾಹಿತಿ ನೀಡಿದರು. ವಿಜಯನಗರದ ಡಿಸಿ‌ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ಅವರು, ಅರ್ಹ ಮತದಾರರು ಮತದಾನದ ಪಟ್ಟಿಯಿಂದ ಹೊರಗುಳಿಯಬಾರದು ಅಂತಾ ಹೇಳಿದರು.

ಮತದಾರರ ಅರ್ಹತಾ ದಿನಾಂಕ ಅಕ್ಟೋಬರ್ 10 ಆಗಿದ್ದು, ಜೂನ್ 20ರಿಂದ 29ರವರೆಗೆ ಎಸ್ಐಆರ್ ಸಿದ್ಧತೆ ಮತ್ತು ಬಿಎಲ್ಒ ತರಬೇತಿ ನಡೆಯಲಿದೆ. ಆನಂತರ ಜೂನ್ 30ರಿಂದ‌ ಜುಲೈ 29ರವರೆಗೆ ಬಿಎಲ್ಒಗಳು ಮನೆ ಮನೆಗೆ ತೆರಳಿ ಮಾಹಿತಿ ಸಂಗ್ರಹಣೆ ಮಾಡಲಿದ್ದಾರೆ. ಜುಲೈ 29ರಂದು ಮತಗಟ್ಟೆಗಳ ಪುನರಚನೆ ಆಗಲಿದ್ದು, ಆಗಸ್ಟ್ 5ರಂದು ಪರಿಷ್ಕೃತ ಮತದಾರರ ಪಟ್ಟಿಯ ಕರಡು ಪ್ರಕಟಣೆ ಮಾಡಲಾಗುತ್ತದೆ. ಆಗಸ್ಟ್ 5ರಿಂದ ಸೆಪ್ಟೆಂಬರ್ 4ರವರೆಗೆ ಆಕ್ಷೇಪಣೆ ಅರ್ಜಿಗಳನ್ನು ಸಲ್ಲಿಸಲು ಅವಕಾಶವಿದೆ. ಆಗಸ್ಟ್ 5ರಿಂದ ಅಕ್ಟೋಬರ್ 3ರವರೆಗೆ ಆಕ್ಷೇಪಣೆ ಅರ್ಜಿಗಳ ವಿಚಾರಣೆ ಮತ್ತು ವಿಲೇವಾರಿ ಪ್ರಕ್ರಿಯೆ ನಡೆಯಲಿದೆ. ಕೊನೆಯದಾಗಿ ಅಕ್ಟೋಬರ್ 7ರಂದು ಅಂತಿಮ ಮತದಾರರ ಪಟ್ಟಿ ಪ್ರಕಟಣೆ ಮಾಡಲಾಗುತ್ತದೆ ಅಂತ ಜಿಲ್ಲಾಧಿಕಾರಿಗಳು ಮಾಹಿತಿ ನೀಡಿದರು.

ಅರ್ಹ ಮತದಾರರನ್ನಷ್ಟೇ ಮತದಾರರ ಪಟ್ಟಿಯಲ್ಲಿ ಉಳಿಸುವುದು ವಿಶೇಷ ಸಮಗ್ರ ಪರಿಷ್ಕರಣೆಯ ಮೂಲ ಉದ್ದೇಶ ಅಂತಾ ಹೇಳಿದ ಅವರು, ಅರ್ಹರನ್ನಷ್ಟೇ ಗುರುತಿಸುವ ರೀತಿಯಲ್ಲಿ ಎಸ್ಐಆರ್ ಆಯೋಗದಿಂದ ರೂಪಿಸಲಾಗಿದೆ ಅಂದರು.

ವಿಜಯನಗರ ಜಿಲ್ಲೆಯ 5 ವಿಧಾನಸಭಾ ಕ್ಷೇತ್ರದ ಮತದಾರರಿಗೂ ಗಣತಿಯ ನಮೂನೆ (ಎನ್ಯುಮರೇಷನ್ ಫಾರ್ಮ್) ಅನ್ನು ಪ್ರತಿಯೊಬ್ಬರಿಗೂ ವಿತರಿಸಲಾಗುತ್ತದೆ. ಅದನ್ನು ಮತದಾರರು ಭರ್ತಿ ಮಾಡಿ ಬಿಎಲ್ಒಗೆ ಸಲ್ಲಿಸಿದವರೆಲ್ಲರೂ ಮತದಾರರ ಕರಡು ಮತದಾರರ ಪಟ್ಟಿಯಲ್ಲಿ ಉಳಿಯುತ್ತಾರೆ. ಗಣತಿ ನಮೂನೆ ಸಲ್ಲಿಕೆ ಮಾಡದವರಷ್ಟೇ ಮತದಾರರ ಪಟ್ಟಿಯಿಂದ ಹೊರಗಡೆ ಉಳಿಯುತ್ತಾರೆ ಅಂತಾ ಡಿಸಿ ಮಾಹಿತಿ ನೀಡಿದರು.

ಬಿಎಲ್ಒ ಗಳ‌ ಪಾತ್ರ ತುಂಬಾ ಮುಖ್ಯ ಆಗುತ್ತದೆ. ಪ್ರತಿಯೊಬ್ಬ ಬಿಎಲ್ಒ ಮತದಾರನ ಮನೆಗೆ ಕಡ್ಡಾಯವಾಗಿ ಮೂಲ ಕನಿಷ್ಟ ಮೂರು ಬಾರಿಯಾದರೂ ಭೇಟಿ ನೀಡಬೇಕು. ಅಲ್ಲದೇ, ಮತದಾರರೇ ಆನ್ ಲೈನ್ ನಲ್ಲೆ ಅರ್ಜಿ ಸಲ್ಲಿಸಿದರೂ ಅವರ ಮನೆಗೆ ಹೋಗಿ ಬಿಎಲ್ಒಗಳು ಹೋಗಿ ಭೇಟಿ ನೀಡಿ ದಾಖಲೆ ಪರಿಶೀಲನೆ ನಡೆಸಬೇಕು ಅಂತಾ ಡಿಸಿ ಸೂಚನೆ ನೀಡಿದರು.

ಮತದಾರರು ತಮ್ಮ ಅರ್ಹತೆ ಸಾಬೀತುಪಡಿಸಲು ಸರ್ಕಾರಿ ದಾಖಲೆಗಳನ್ನು ಸಲ್ಲಿಕೆ ಮಾಡಬೇಕು. ಸುಪ್ರೀಂಕೋರ್ಟ್ ಆದೇಶದ ಪ್ರಕಾರ ಆಧಾರ್ ಕಾರ್ಡ್ ಅನ್ನು ಗುರುತಿನ ಪುರಾವೆಯಾಗಿ ಮಾತ್ರ ಬಳಸಬಹುದು. ಆದರೆ ಪೌರತ್ವದ ಪುರಾವೆಯಾಗಿ ಅಲ್ಲ. ವೃದ್ಧರು, ಅಂಗವಿಕಲರುಗಳಿಗೆ ಈ ಪ್ರಕ್ರಿಯೆಯಲ್ಲಿ ಸಹಾಯ ಮಾಡಲು ಸ್ವಯಂ ಸೇವಕರನ್ನು ನಿಯೋಜನೆ ಮಾಡಲಾಗುವುದು ಅಂತಾ ಜಿಲ್ಲಾಧಿಕಾರಿಗಳು ಹೇಳಿದರು.

ವಿಜಯನಗರ : ಜಮೀರ್ ಬೆಂಬಲಿಗರ ಪ್ರತಿಭಟನೆ : ಡಿಸಿಎಂ ಸ್ಥಾನಕ್ಕೆ ಬೇಡಿಕೆ

 

ಜಮೀರ್ ಅಹ್ಮದ್ ಖಾನ್ ಅವರಿಗೆ ಡಿಸಿಎಂ ಹುದ್ದೆ ನೀಡುವಂತೆ ಆಗ್ರಹಿಸಿ ವಿಜಯನಗರದ ಹೊಸಪೇಟೆಯಲ್ಲಿ ಮುಸ್ಲಿಂ ಸಮುದಾಯದ ಮುಖಂಡರು ಪ್ರತಿಭಟನೆ ನಡೆಸಿದರು. ಹೊಸಪೇಟೆಯ ಪುನೀತ್ ಸರ್ಕಲ್ ನಲ್ಲಿ ಧರಣಿ ನಡೆಸಿ, ಜಮೀರ್ ಅಹ್ಮರ್ ಪರ ಘೋಷಣೆ ಕೂಗಿದರು.

ಈ ವೇಳೆ ಮಾತನಾಡಿದ ಮುಸ್ಲಿಂ ಮುಖಂಡರಾದ ಇಮಾಮ್ ನಯಾಜ್ ಅವರು, ಜಮೀರ್ ಅಹ್ಮದ್ ಅವರು ಎಲ್ಲ ಸಮುದಾಯದವರ ಪರವಾಗಿ ಕೆಲಸ ಮಾಡಿದವರು. ಯಾವುದೇ ಒಂದು ಧರ್ಮ, ಜಾತಿಗೆ ಸೀಮಿತವಾಗಿ ಕೆಲಸ ಮಾಡಿದವರಲ್ಲ. ಅಲ್ಲದೇ, ಜಮೀರ್ ಅವರು ಈ ಹಿಂದೆ ಸಚಿವ ಸ್ಥಾನವನ್ನು ಜವಾಬ್ದಾರಿಯಿಂದ ನಿಭಾಯಿಸಿದ್ದಾರೆ. ಹೀಗಾಗಿ, ಜಮೀರ್ ಅಹ್ಮದ್ ಖಾನ್ ಸೇವೆ ಪರಿಗಣಿಸಿ, ಹೈಕಮಾಂಡ್ ನಾಯಕರು ಡಿಸಿಎಂ ಹುದ್ದೆ ಕೊಡಬೇಕು ಅಂತಾ ಆಗ್ರಹಿಸಿದರು.

ಇನ್ನು, ನಮಗಿಂತ ಕಡಿಮೆ ಇರುವ ಒಕ್ಕಲಿಗ, ಲಿಂಗಾಯತರಿಗೆ ಹೆಚ್ಚು ಸ್ಥಾನ ಕೊಟ್ಟಿದ್ದಾರೆ. ಆದರೆ ಅವರಲ್ಲಿ ಅರ್ಧದಷ್ಟು ಜನರೂ ಕಾಂಗ್ರೆಸ್ ಗೆ ಮತ ಹಾಕುವುದಿಲ್ಲ. ಆದರೆ ನಾವು ಶೇಕಡಾ 15ರಷ್ಟು ಜನರಿದ್ದು, ಎಲ್ಲರೂ ಕಾಂಗ್ರೆಸ್ ಗೆ ವೋಟ್ ಹಾಕುತ್ತೇವೆ. ಆದರೂ ಮುಸ್ಲಿರಿಗೆ ಕ್ಯಾಬಿನೆಟ್ ನಲ್ಲಿ ಎಷ್ಟು ಸೀಟ್ ಸಿಕ್ಕಿದೆ? ಉದ್ದೇಶಪೂರ್ವಕವಾಗಿ ಜಮೀರ್ ಅಹ್ಮದ್ ಖಾನ್ ಅವರಿಗೆ ಸಚಿವ ಸ್ಥಾನ ತಪ್ಪಿದೆ ಅಂತಾ ಸಮಾಜ ಸೇವಕರಾದ ನಜೀರ್ ಅಹ್ಮದ್ ಆಕ್ರೋಶ ಹೊರಹಾಕಿದರು. ಅಲ್ಲದೇ ಜಮೀರ್ ಅವರಿಗೆ ಕ್ಯಾಬಿನೆಟ್ ಸ್ಥಾನ ತಪ್ಪಲು ಶಾಮನೂರು ಕುಟುಂಬದ ಕೈವಾಡವಿದೆ ಅಂತಾ ಆರೋಪಿಸಿದರು.