ಕಾಳಸಂತೆಯಲ್ಲಿ ಮಾರಲು ರೈಸ್ ಮಿಲ್ ಗಳಲ್ಲಿ ಸಂಗ್ರಹಿಸಿದ್ದ ಅಕ್ರಮ ಅಕ್ಕಿ ಪತ್ತೆ

 ರಾಯಚೂರಿನ 4 ರೈಸ್ ಮಿಲ್ ಗಳಲ್ಲಿ ಕಾಳಸಂತೆಯಲ್ಲಿ ಮಾರಾಟ ಮಾಡಲು ಅಕ್ರಮವಾಗಿ ಸಂಗ್ರಹಿಸಲಾಗಿದ್ದ ಲಕ್ಷಾಂತರ ರೂಪಾಯಿ ಮೌಲ್ಯದ ಪಡಿತರ ಅಕ್ಕಿ ವಶಪಡಿಸಿಕೊಳ್ಳಲಾಗಿದೆ.

ರಾಯಚೂರು ಸಹಾಯಕ ಆಯುಕ್ತ ಸಂತೋಷ ಕಾಮೇಗೌಡ ನೇತೃತ್ವದಲ್ಲಿ ಗುರುವಾರ ಮುಂಜಾನೆ ನಡೆದ ದಾಳಿ ವೇಳೆ 4 ರೈಸ್ ಗಳಲ್ಲಿ 6.61,980 ರೂ. ಮೌಲ್ಯದ 884 ಚೀಲ ಪಡಿತರ ಅಕ್ಕಿ ಪತ್ತೆಯಾಗಿದ್ದು, ಅದನ್ನು ವಶಕ್ಕೆ ಪಡೆಯಲಾಗಿದೆ.

ಪಡಿತರ ಅಕ್ಕಿಯನ್ನು ಕಾಳಸಂತೆಯಲ್ಲಿ ಮಾರಾಟ ಮಾಡಲು ಯತ್ನಿಸಲಾಗುತ್ತಿದೆ ಎಂಬ ಖಚಿತ ಮಾಹಿತಿ ಮೇರೆಗೆ ದಾಳಿ ಮಾಡಿ ಅಕ್ರಮ ದಾಸ್ತಾನು ವಶಪಡಿಸಿಕೊಳ್ಳಲಾಗಿದೆ.

ಮಂಚಾಲಪುರ ರಸ್ತೆಯಲ್ಲಿನ ಕೃಷ್ಣ ಸ್ವಾಮಿ ರೈಸ್ ಮಿಲ್ ಮೇಲೆ ದಾಳಿ ನಡೆಸಿ 2 ಲಕ್ಷ 23 ಸಾವಿರದ 150 ರೂ. ಮೌಲ್ಯದ 337 ಚೀಲ ಅಕ್ಕ ವಶಪಡಿಸಿಕೊಳ್ಳಲಾಗಿದೆ. ಗದ್ವಾಲ್ ರಸ್ತೆಯಲ್ಲಿನ ಬರುವ ನರಸಿಂಹ ರೈಸ್ ಮಿಲ್ ನಲ್ಲಿ 67,650 ಮೌಲ್ಯದ 109 ಚೀಲ ಹಾಗೂ ಚಂದ್ರಿಕಾ ರೈಸ್ ಮಿಲ್ ನಲ್ಲಿ 46,500 ರೂ. ಮೌಲ್ಯದ 60 ಚೀಲಗಳನ್ನು ವಶಪಡಿಸಿಕೊಳ್ಳಲಾಗಿದೆ. 

(ಮಾಹಿತಿ ಕೃಪೆ ಕನ್ನಡದ ವಾಹಿನಿ)